Opptakskrav og søknad
Opptakskrav
Studiekode i Samordna opptak
203515
Poenggrense ved forrige opptak
- Ordinær kvote Alle kvalifiserte
- Førstegangsvitnemål Alle kvalifiserte
Om å søke opptak til HVL
Kvifor studere økonomi og administrasjon?
Økonomi er viktig både for kvar enkelt og for samfunnet, men økonomi og administrasjon handlar om mykje meir enn berre tal. I tillegg til typiske økonomifag, har du fag som marknadsføring, leiing, strategi og samfunnsansvar.
Ved å ta ein bachelor i økonomi og administrasjon kan du bidra til verdiskaping for verksemder og samfunn.
Dette studiet kan du ta ved HVL Sogndal, men du kan også studere økonomi og administrasjon ved HVL Bergen eller HVL Haugesund.
Kva kan du jobbe med?
Du blir kvalifisert for eit stort spekter av ulike jobbar innan offentleg og privat sektor, interesseorganisasjonar og frivillige organisasjonar.
Etter fullført utdanning kan du jobbe som blant anna fagperson eller rådgivar med arbeidsoppgåver innan rekneskap, marknadsføring, innkjøp, personalforvaltning, eller meir generelle oppgåver knytt til analyse, leiing og administrasjon.
Fordjupinga innan rekneskap og skatt kvalifiserer for utdanningskravet for å bli autorisert rekneskapsførar. For å kunne søke om autorisasjon må du i tillegg ha tre års relevant arbeidserfaring.
Korleis er undervisninga?
Vi har forelesingar, seminar, gruppeøvingar og organiserte kollokviegrupper med rettleiing. Vi koplar teori og praksis gjennom arbeid med relevante problemstillingar.
Det blir lagt opp til ein studietur i 2. eller 3. klasse, med besøk hos verksemder og institusjonar.
Dei to første studieåra vil du få grunnleggande kunnskap om samfunnsøkonomi, jus, organisasjon og leiing, bedriftsøkonomi, rekneskap og marknadsføring. I fjerde semester kan du ta valemne.
I tredje studieår vil du berre ha tre obligatoriske fag: Samfunnsvitskapleg metode, leiing og bacheloroppgåve. Dette gir deg friheit til å velje blant fleire spennande valemne, som vidaregåande finansrekneskap, skatte- og avgiftsrett, prosjektleiing, merkevarestrategi, anvendt finans, Human Resource Management, med meir.
Korleis bli siviløkonom?
Siviløkonom er ein beskytta tittel, og gjer deg svært ettertrakta på arbeidsmarknaden. For å få tittelen må du ta både ein bachelor og ein master i økonomi og administrasjon, altså ei femårig utdanning. Tar du denne bacheloren kan du søke deg vidare på Master of Science in Bussiness ved HVL for å bli siviløkonom.
Forkurs i matematikk
Studiet krev gode førehandskunnskapar i matematikk. Me tilrår difor studentar med praktisk matematikk (P-matte) frå vidaregåande skule å delta på førebuande kurs i august. Matte-emnet «BØA111 Matematikk for økonomar» krev gode førehandskunnskapar i matematikk og byggjer på kunnskap som svarar til S1+S2 frå vidaregåande skule.
Studentar med P-matte må difor leggja ned ein stor arbeidsinnsats i matematikkemnet. Studentar som har S- eller R-matte, men som meiner at dei har «gløymt mykje» av tidlegare matematikkunnskapar bør òg delta på forkurset.
Tidspunkt for forkurs i matematikk hausten 2025:
- Tysdag 12.08. kl. 10.15 - 14.00
- Onsdag 13.08. kl. 10.15 - 14.00
- Torsdag 14.08. kl. 10.15 - 1400
Stad: Auditorium Sognefjorden (F300).
Det er ikkje påmelding til kurset. Dersom du har spørsmål, kan du sende e-post til Torbjørn Årethun (torbjorn.arethun@hvl.no)
Vidare studium etter fullført utdanning
Etter fullført bachelor i økonomi og administrasjon kan du søke deg inn på følgjande masterutdanningar på HVL:
Du kan også studere vidare på ulike mastergradsstudium nasjonalt eller internasjonalt.
Utveksling
Grip sjansen til å oppleve verda medan du studerer! Det er tilrettelagt for studieopphald i utlandet i 2. studieår, 4. semester.
Kor kan du reise?
Australia | Queensland University of Technology
Australia | Victoria University
Belgia | VIVES University of Applied Sciences
Belgia | Higher Education Institution of the Province of Liege
Brasil | IDRAC Business School (AIPF)
Slovenia | University of Applied Sciences Emden/Leer
